خلک د کوچني اختر په مناسبت په ټول هیواد کې د امنیت له تامین څخه خوښ دي

کابل کې د ایرنا خبري آژانس د خبریال په خبره؛ د کوچیني اختر په مناسبت د پلازمینې له مختلفو سوداګرو څخه د پلازمینې ښاریانو په دې ورځو کې د پیرودلو او خرڅلاو د بازارونو د څرنګوالی، د اړتیا وړ شیانو او موادو د بیې او دغه راز د هغوی د شخصی، رواني، ځانی او روحي امنیت د خوندیتوب او ځیرکتیا په هکله د ایرنا له خبریال سره خبرې اترې کړې دي.

د کابل ښار یو تن اوسېدونکی او مېوه پلورونکي محمد اسحاق د ایرنا خبري آژانس له خبریال سره په مرکه کې و ویل: په کابل بازارونو کې د تېر کال په پرتله سږ کال د وچې مېوې بیه ښه ده او خلک یې زیاته اخلي.

د هغه په وینا د کابل ښاریانو اساسي ستونزه چې هغوی ورسره مخ دي فقر او بېکاري ده خو بیا هم خلک هڅه کوي په هر ډول چې وي د اختر په ورځ یې سترخوان خالي نه وي.

هغه زیاته کړه: له بده مرغه د اختر په شپو ورځو کې لیدل کېږي چې د تېرو کلونو په څېر لا هم د بې وزلو سترخوان خالي وي، هغه څوک جې د خپلو شپو او ورځو د لګښتونو د برابرولو او په سختۍ سره د ګټلو لپاره مبارزه کوي، نشي کولای د خپلې کورنۍ لپاره جامې واخلي او همدارنګه د اختر په ورځو کې یو رنګین سترخوان ولري.

په ورته وخت کې عمران بارکزي وویل: د الله ج شکر دی چې په تېرو دوو کلونو کې زموږ په هېواد کې ښه امنیت تامین شوی، نور جنګونه او شخړې نشته او موږ دا مهال د امنیت په اړه اندېښمن نه یو، بلکې خلک اوس هم له فقر او بېکارۍ سره لاس او ګریوان دي، له بده مرغه هیله لرو چې دا ستونزه به د افغانستان د اسلامي امارت له لوري حل شي.

هغه زياته کړه: د اقتصادي ستونزو له امله مې د تېر کال په پرتله سږ د اختر لپاره لږ پېر وکړ، که څه هم بيې ښې دي، ډېر نه دي پورته شوي، خو پيسې نه شته چې د اړتيا وړ توکي لکه څنګه چې مو خوښه وي واخلو.

د کابل یو بل اوسېدونکی عبدالرحمن هم ایرنا ته وویل: کوچینی اختر د نفس او شیطان په وسوسو باندې د انسان د بریالیتوب جشن دی او د یوې میاشتې په روژه نیولو سره انسان په حقیقت کې خپلو ټولو نفساني خواهشاتو ته هېڅ نه وایي. په راتلونکو یوولسو میاشتو کې د خدای د حکمونو اطاعت کولو ته ډېر چمتو دی.

هغه تاکيد وکړ: انسان بايد له رمضان وروسته هم له ګناه څخه ځان وساتي او که د تقوا دغه ملکه تر راتلونکي رمضانه پورې وساتي نو خامخا به د نجات ورکوونکو له ډلې څخه وي.

د کابل ښار یو تن اوسېدونکي سید صابر هم وویل: سږ کال روژه په ښه او مهربانۍ سره تیره شوې او الحمدالله په هیواد کې امنیت ټینګ شوی او خلکو د روژې مبارکه میاشت په ډاډمنه او ارامه فضا کې په عبادت او اطاعت تېره کړه. د رمضان او د قدر شپې.

د هغه په وينا، سږ کال د روژې په مبارکه مياشت کې هوا ښه وه، نه لوږه وه او نه تنده او په زړه پورې خبره دا وه، چې سږ کال د روژې په مبارکه مياشت کې دومره مېوې او سبزيجات موجود وو، چې په افغانستان کې د میوو او سبزیجاتو په موسم کې نه وو.

دی وايي، هغه تازه مېوې چې سږ کال د افغانستان په بازارونو کې په کافي اندازه موندل کېدط، تر ډېره له ګاونډيو هېوادونو په ځانګړې توګه د ايران له اسلامي جمهوريت څخه وارد شوې، چې د افغانانو اړتياوې پوره کوي.

هغه زیاته کړه؛ اوس مهال هم چې د اختر ورځې شپې دی د افغانستان په ټولو بازارونو کې مېوې او سبزۍ زیاتې لیدل کېږي، چې زیاتره یې د ایران اسلامي جمهوریت څخه واردې شوې او بیې یې هم مناسبې دي.

د ایرنا د خبر له مخې؛ د افغانستان خلک د یوه پخوانی دود له مخې هر کال د خپلو کورونو په ښکلولو، نویو او ښایسته جامو اغوستلو، هر ډول خواړه او میوې په چمتو کولو، هغو مشرانو او کورنیو ته ورځي چې خپل عزیزان یې له لاسه ورکړي او مړه شوي وي. د قبرونو زيارت، هر ډول شيان، تفريحي لوبې او تفريحي کارونه لکه د غيږ نيونې، د کشتۍ د سياليو ترسره کول، ځايونو ته تګ او راتګ، ليدني کتنې او په لمانځه کې ګډون، د اختر مبارکي.

د پیغام پای/